اساسيات الفوركس
أخر الأخبار

كيف تكون محترف فى الفوركس

من البداية حتى الاحتراف

كيف تكون محترف فى الفوركس

من البداية حتى الاحتراف

🤔👇
( للساذج – المضارب – المقامر – الملتزم – الطماع – الخائف )
للدخول على عالم الاسواق بتحدد هدفك وطموحك واصلين لحد فيين
وممكن غلطة واحدة تكون واحد من العناصر اللى فووق 👆
عشان تبداء مشوارك فى الفوركس لازما تبداء بالاساسيات وبعدها لو حابب تستزيد وتتعلم باقى العلوم لتطوير نفسك الاولأ وطريقتك فى التداول ثانيا
نقسم الموضوع على تلات مستويات رئيسية
أولآ : البداية التاسيس الصحيح للمبتدىء والمتوسط وللاسف اللى ع الساحة المفترض انهم محترفين
  • تعليم الشموع اليابانية مع الانماط الفردية والثنائية والثلاثية مع الشروط
  • فهم وتطبيق التحليل الكلاسيك ( الترند الرئيسى والثانوى والفرعى – القنوات السعرية – الدعوم والمقاومات – البريك اوت )
  • الانماط السعرية أو النماذج السعرية مثل النموذج المكمل والانعكاسى (الراس والكتفين و المثلثات والاعلام والوتد مع المزيد ..
  • المؤشرات الفنية ( RSI – MAcd – MA – CCI – STOChastic ) حابب تستزيد مع وظائف المؤشرات الاضافية مثل مؤشر الفوليوم او معدل دوران السيولة أو الزخم اغلبيتة متوفر ببرنامج التداول
  • دراسة ادارة المخاطر وايقاف الخسائر
بعد التمكن من اهم خمس النقاط السابقة من هنا نقدر نقول دخولك للمجال هى البداية الصحيحة .
ثانيا : التطبيقات العملية
  • افتح حساب تجريبى وطبق كل اللى اتعلمتة وخدها قسم قسم وبهدوء وجهز قلمك وكراستك وابداء حسب الترتيب اللى انا قولتة فووق 👆
  • ارسم الشموع اليابانية بقلمك وافهمها كويس ولية البارة 🔨 لما تكون بعد اتجاة صاعد اسمها الرجل المشنوق 💀 ( الهنكينك مان ) وهى نفسها بنفس الشكل بعد اتجاة هابط اسمها المطرقة او بالعربى الشاكوش ( الهامر )🔨 والثنائية مثل الابتلاعية والمراة الحامل والثلاثية مثل الجنود والغربان الثلاثة
– خلاص كتبتها ورسمتها فى كراستك وفهمت الشموع وكل الانماط وذاكرتها كويس ادخل الليفل تووو …
  • التحليل الكلاسيك افهم كويس اووى قوانين وشروط رسم الترند الصاعد هاااى اعلى من هاااى وللو اقل من للو السابق
– والقنوات السعرية وهل السعر بيمشى حسب القوانين ولو كسر القناة
السعرية واعاد اختبارها هل هيعمل البريك اوت ويعطى فرصة
للمنافسين سواء البائع او المشترى للخروج
– الدعوم والمقاومة وكلنا عارفين القاعدة المعروفة وفى حالة انكسار
المقاومة وتحولة الى دعم بما يسمى تبادل الادوار هل تتقبل ايقاف
الخسائر او التصرف السليم وتحديد المناطق للطلب والعرض وليها اكثر
من اسلوب ومن طريقة
  • الجزء دة واقف عليك وتكون صبور جدا الانماط السعرية بتقسمة لنقطتين الاولى الاشكال المكملة للاتجاة والنقطة الثانية الاتجاة المنعكس وتدرسها كويس لانها مثل الرسومات بس الفرق انك بتلاحظها على التشارت وكل نمط ولة شروطة الخاصة من نقطة دخول ومناطق ارتداد واهداف مثل الراس والكتفين وشروط اخذ الهدف بعد كسر خط العنق كمثال وفى حالة الارتداد ايضا وايقاف الخسائر اعلى الكتف الايمن وكل نمط ولة شروطة الخاصة واعى تنسى قلمك وكراستك وارسم وحط ملاحظاتك ..
  • المؤشرات الفنية هى عبارة عن معادلات رقمية ومعادلات احصائية بس عشان بقيت محظوظ وبقى فية انترنت وتكنولوجيا بقيت الدنيا سهلة وبتنزل بكليك من برنامج التداول وتشوف بس التشبع البيعى او الشرائى وتتكل على الله وتاخد الاوردر بس لكل مؤشر وظيفة حسب المعادلات بتاعتة زى اية مثلا يا حودة مؤشر الموفينج افريج المتوسط المتحرك ومنة تلات انواع للمعادلة ولو هنتكلم على البسيط بيقيس عدد البارات اللى فى التشارت سعر الاغلاقات على عددهم يعنى السعر الاول والسعر الثانى والثالث حتى نقول مثلا 5 ايام على ن يعنى عددهم هيطلع السعر المستقبلى هو دة بقى المتنبىء للسعر وهكذا لحد مايكون خط اتجاة على التشارت ويقول السعر فى ارتفاع والا فى انخفاض مع الاتجاة
ملحوظة ( فى منصة التداول قسم لمؤشرات الاتجاة بمعنى انك تختار
المؤشر اللى بيحدد الاتجاة غير المؤشر اللى بيقيس الزخم او الفوليوم
او اشارات البيع او الشراء )
– وللمؤشرات استخدامات غير مجرد اشارات التداول والاتجاة وكمان من
خلالة بتقدر تقيس الدايفراجنس السلبى والايجابى والترند كمان
  • نيجى بقى لاهم نقطة فيهم كلهم ازاى نقدر بعد اللى اتكلمنا علية وفهمناة وكتابناة وطبقناة وعملنا استرايجيتنا الخاصة كمان لنتداول بيها سواء تحليل كلاسيك او مؤشرات او اى كان الطريقة اننا نحافظ على الربح سواء بشكل تراكمى او بشكل متكرر عشان ما ننساش اى استرايجية مكونة من تحديد الاتجاة مع نقطة الدخول والربح المتوقع وفى حالة الانعكاس هنستخدمة بشكل متغير سواء بالتعزيز او المضاعفة لمنطقة معينة وثم الخروج وتقبل الخسارة او بعدد نقاط ثابتة المهم بانة فية خطة تداول محكمة الغلق مكوناتها نقطة دخول تحديد الهدف وتحديد الخسارة فى حالة الانعكاس ومنطقة خروج

    اعداد وكتابة أ / محمود قطب

    يتبع للجزء الثانى عشان مانزهقش ونكمل بكرة

Mahmoud Kotp

محلل فنى فى الاسواق المالية مع خبرة اكثر من 16 عاما فى مجال البورصات والاوراق المالية بالشركات الاوروبية والمصرية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى